Forteljingar i vest
Saman med Jakob Sande - Senter for forteljekunst, Fjordkysten regional- og geopark og Memoar har me gleda av å presentere fellesprosjektet "Forteljingar i Vest". I haust har nemleg ei handfull kjelder frå kvar av HAFS-kommunane delt livsforteljingar med minnesamlar og forteljar Bjørn Enes for bevaring og attforteljing.
I veke 44 vert det opne kveldsarrangement - om det å høyre til - i kvart av våre nyetablerte Episenter.
I Hyllestad kommune har Merete Iversen vore kjelde. Ho har fortalt om det å høyre heime nettopp her, m.a ved å vise tre gode grunnar til å søkje framtid i ein hage. Bjørn Enes frå Memoar og kulturjournalist og dagleg leiar i Litteraturbåten Epos, Maria Pile Svåsand, attfortel og samtalar med Merete for oss denne kvelden.
Arrangementet vert halde i Prestegarden i Hyllestad, og er gratis og ope for alle. Enkel servering. Hjarteleg velkomen!
Forteljingar i Vest er produsert med støtte frå Vestland fylkeskommune.
