Rosendal: Framtidskveld for fjorden

Framtidskveld for fjorden!

Ein hyllest til fjorden - og kvifor me må ta vare den ombord på litteratur- og kulturbåten Epos.

Program:
17.00 Innlegg med Framtidshavet (30 min).
17.30 Føredrag med Sigri Sandberg
18.30 Konsert med Miss Wednesday (30 min)Det vil vera mogleg å kjøpe seg forfriskningar ombord på Epos.

Velkommen til ein kveld på Epos der tema er Framtidshavet, fjordane våre og kvifor me bør ta vare på den- med andre ord, ein hyllest til fjordane våre og området me bur i!

Tema til Framtidshavet:  Kvifor Rein Hardangerfjord?
Føredrag med Kenneth Bruvik/Fremtidshavet

Om Sigri Sandberg
Ei Fjordforteljing: Med utgangspunkt i to av bøkene sine "Ro - om Sognefjorden og ein lan rotur heim" og "Det året eg vakna - Kva skjer med naturen og oss? fortel forfattar Sigri Sandberg om fjord og natur og kor vakkert og viktig alt dette vi har rundt oss er.

Om Miss Wednesday
Miss Wednesday spelar øko-folk-pop som fløymer over av framtidstru, positivitet og glede. Moderne flower-power møter catchy hooks, Joni Mitchell møter MIKA og Miss Wednesday møter deg i døra med utstrakte armar og verdas varmaste smil. Den onsdagsfødte frontfiguren starta prosjektet i singer-songwriter tradisjonen og har valt å få med seg ein perkusjonist og bassist til denne konserten. Songane er laga for å spreie håp og trøyst i møte med klimakrisa, og dette aspektet blir vevd inn i heile artisteriet der skrot blir maksimert for å kunne laga perkusjonsinstrument, stageoutfits og merch.

Med vind i segla har ho det siste året spelt i Tyskland i den internasjonale bandkonkurransen Europavox, på Vill Vill Vest og 100 dagar. No står ho klar til å vere med å inspirere til å ta vare på Hardangerfjorden på framtidskveldar om bord påLitteraturbåten Epos.

Aleine eller med fullt band - i Miss Wednesday sitt nærvær blir gråe mandagar til solrike onsdagar.